-زجل- موازين – بقلم الشاعر- عبد الرحيم العابد

/ مواااااااااازين

——————–/

 

( تتمة للجزء الأول من القصيدة)

 

(زجل)

 

موازين ……موازين

قوالب فن بالقوانين

 

انغنيو…..اغاني فوق القلب

انغنيو….. انرقصو بالسيف

 

اكثر الدرهم غير لوحوه

أكثر…….الهم غير زيدوه

 

فرقوه…… شريحة واثمر

فرقوه جوهر في محارة

 

بو رقراق يا………بو رقراق لا جاك الفيض اديني معاك.!

داخلت عليك…………بالقمر القمر لحمر……….و انجومو

 

داخلت عليك بالحسان

داخلت عليك بالقصبة

داخلت عليك بالمدافع

لمدافع الحاضية البحر

خذني…….الشالة نبكي.!

نبكي حثى يشفا قلبي

 

خذني لسلا خذني السلوان

حذني………….للطالعة نطلع

حذني………بالسنتير نتحير

خذني بالبندير……يا فراجة

خذني للغيوان تجذب انغني

 

خذني………. انورد بدموعي نسقي الفن…. ذاك العطشان.!

 

خليهم خليهم اأيقولوا

خذ لفلوس او غني لي

غني لي شويااا شويا

غني لي …..خذ عينيا

غني لي وارقص معاي

غني لي……خذ الوطن

اعطيني االهم اجديد

خذ القلوب……الحنونة

 

الى ارحلتي نرحل معاك.!

خذ…خذ العقول الخربانة

ملي ايفيقوا ملي ايعيقوا

والله لا فاقوا و لا عاقوا.!

 

سير على حالك يا الغادي

انتيهو…….فالسما السابعة

انزلو………للارض السابعة

 

قالوا اكتامة ترفع المعنى.!

يغلى الثمن…………. نتغنى

انشريوه……ارباطي نعناع

انشربوه…..حلاوة يا سكر

 

او من بعد.؟ شوف انت.!

او من بعد.؟ الله…..اعلم.!

 

خليني انا و الحسرة صحبة

خليني…….مع اكناوة نتحير

نشطح شطيحة مع موازين

خليوني مع الهجهوج انهيج

 

العابد عبد الرحيم: 12/03/2018

الفقيه بن صالح تكتب تكتب