زجل #قْوَاوْ_الْبَدْعَاتْ شكون فينا باقي بقلم الزجال ﺭﺷﻴﺪ ﺷﺮﻗﺎﻥ
شكون فينا باقي
حين يْسير ف طـريقُه
يتبسم فوجه اللي لقاه ولُه بسلامو يِفْشِي
آه مَنَّكْ يا عالَم لبهوت
يا لْمعني بِتْزاوِيقُه
قواو بدعاتك ؤ وَلى
فَكْ شي عافط عن شِي
حتى من لخو تنكر
لخوه ف عز ضيـقُه
وشمس لْخَاوَا غْبْاتْ
و ظلامها ضحى مْغَشِّي
الصحبةرشات ،والصديق
طعن ف صديقه
وحب الذات والنكران دَا غْـدَى فِينَا امْفَشّي
•• •• •• •• •• •• ••
شكون فينا مزال ملي
يطبخ طعام يقوِّي امْريقُه
و يذوَّقْ منُه جارو اللِّي بَايْتْ حداه بلا عْشَا
علاش كل واحد وَلَّى شَادْ وَقْرُو سَادْ عَنُّو لْضِيقُه
لَحْيَاءْ ضْحَاتْ مْقَابر
و بْيُوتْهَا لْحُودْ بلا نْعُوشَا
من منك يا نمام حلقك
امتى ينشف من ريقُه
دخيلك يكفا، رَ بظفار
لوقت عروضْنَا مَهْبُوشَا
دَلُومَكْ ، لا تعاديه
وَبَعَّدْ عَنْ كانون حريقه
زور بعدْ غْياب
الى حبيتي العلاقات تَتْمَاشَا
يقرأه الاخرون
الشريف د.جهاد ابومحفوظ, خالد الخالدي et 5 autres personnes
12 commentaires
J’aime
Commenter