غصب عنى… خاطرة بقلم إيناس السيد
خاطرة
غصب عنى
————-
مش مهم إنى أقابلك
المهم إنك فاكرنى
فاكر كل اللى بيننا
فاكر أيامك فى حضنى
عارفة..بعدك غصب عنك
وأنا..شوقى غصب عنى
بياخدنى أتصور ملامحك
وأتخيل عينيك وأغنى
وأفتكر همس المحبة
يملا إحساسى التمنى
مسير الأيام دى ترجع
أنا حاسة شوقك واصلنى
بكرة نمشى فى الشوارع
لمكاننا اللى مستنى
ونشبك تانى الصوابع
وإنت جنبى بتغازلنى
يقرأه الاخرون
وأقولك أخيرا قابلتك
تقوللى كلامك وحشنى
ف مش مهم إنى أقابلك
بكرة قرب ولو بعيد
جاى على بعد خطوتين
والحكاية اللى إستمرت
رغم الظروف ورغم السنين
مسيرها تكمل لينا وإحنا
حنبقى أجمل عاشقين
حشوف خيالك يعتذرلى
الشوق واللهفة والحنين
ماهو كفاية عشان أستريح
لحد ما يعدوا اليومين
ونرجع نمشى فى الشوارع
لمكاننا اللى مستنى
ونشبك تانى الصوابع
وإنت جنبى بتغازلنى
وأقولك أخيرا قابلتك
تقوللى كلامك وحشنى
إيناس السيد