وُݣدآش كَنْتْ… زجل مغربي بقلم رشيد شرقان

زجل مغربي

#وُݣدآش كَنْتْ نکونْ فعينيكْ ؟

وْ حَقْ الدِيعَه . .
و ݣَدْ ما قَسَاتْ الروح
ف لِيعَةْ الغربة…
بَلِّي ݣاع لَمْدُونْ شُطآنْ
وانت يا ـ بلادي ـ الْمَرْسَى

و ݣداش كان يكون . .
عشقي ليك، يا لحبيبة
وݣدآش كنت نكون فعينيك
وكيفاش كانت تكون خطواتي
مَنَّك و لِـــيـكْ . .
ف رَدهات هْــواكْ ؟
والطريقْ فْ سِوَاكْ ؟

كلمة نبغيك . . فحقك صغيرة
حينتْ كلمة نبغيك عندي . .
ما يعبروها ميازن
ما يقيسو رْبُوعها عبَّارة.
ما تتوزع عندي . .
ݣُرعات بِــ لـمْتَارْ

و ݣدآش كان يكون ولفي ..
يلا كان غُرْقُو لِيه الحدْ
وُيَنْبَاعْ بــ لَعبــارْ . .

#رشيد شرقان