هذا ما صنعته أيديكم… عاميه بقلم الطيب_عوض_أحمد

جزء من قصيدة
هذا ما صنعته أيديكم( عاميه )
#هذا_ما_صنعته_أيديكم

بيشبهونى بفعل نوح !
وكأنى حامل كل أختام المراكب والنجاة
وكأن قلبى / جسر حائل للطوفان
مع إن قلبى لسه حانة
كل إللى سكران عدا فيها
مفتوح على كل إتجاه
مدبوح لكنه / رافض الموت
زى ما رفض الحياة
مجروح دا عادى ….. بس برضه
عادى يبلغ مبتغاه …….
بيشبهونى بفعل نوح
مع إنى بغرق فى الكلام
سيل البلاوى لو يبوح
قول على الدنيا السلام
قلبى اللى ميت لسه صاحى
عمال بيرقص ف الزحام
زى الحمام تمام كدا
مدبوح بيرقص …. رقصة الموت الأخيرة
كأنه عيره. ….. وللا حرف مستعار
شد الكلام لجل نور الفجر ما يرجع
من غير ما يدرى / انغمس سهم حزنه
…. قتل النهار
اوعاكى من زيف المشاعر
متصدقيش الانبهار
كل الكلام من قلب شاعر
والكلمة فى عرف الهوى
منهم حرام .
#الطيب_عوض_أحمد