زغرت يا تدغين.. زجل بقلم فدوى گدور
زجل
بقلم فدوى گدور
زغرت يا تدغين وارقص يا توبقال
أسودك مبقاوش أشبال
زأرتهم فقطر تزلزل الجبال
فطرو بكندا تغداو باسبانيا
واليوم تعشاو بالبرتغال
ومازال الخير مزال
جيبو البندير حركوا الخلخال
مرحبا يا جار مرحبا يا خال
شكون بحالنا؟؟؟ شكون ؟؟؟
فرحتنا اليوم ما بحالها فرحة
الفرحة لي شتقنا ليها شحال
فرحنا صغار وكبار نسا ورجال
من حقنا نفرحوا
وبمغربنا نفتاخروا
هذا راه واقع يا فلان ماشي خيال
شكون بحالنا؟؟؟ شكون؟؟؟
رايتنا فالسما عالية بحال لهلال
سجل يا تاريخ وأكتب أجمل مقال
هذا هو الفريق الوطني المغربي
مفخرة كل الأجيال