فْکِيفَاشْ_كَيْضَرَّݣْ..زجل بقلم رشيد شرقان.

زجل

#فْکِيفَاشْ_كَيْضَرَّݣْ_جْوَابِي

كيفاش . .
بعد ما كنت رامي
وليت طريدة
للقفار شريدة
هارب بكسدتي
على شوك دماني ؟
**

وكيفاش . .
بعدما كنت نخلة
سرت جريدة
دون روح وفايدة
عْرَيْشْ مكركبني عجاج
لَرْمل غطَــاني ؟
**

وُكيفاش . .
تَ بغيتوني نكون زمام
ونجرب حضي فَالصيدا
ونشباتْ لݣريحة تقطعتْ
وما تلا للقصيدة ميزاني !
**

كيفاش وف كيفاش
كيضرݣ جوابي..
فنفس مكابرة عنيدة
دون شراجم ولبوابي
ولا ستاير للريح زَّفَانـي.

ــ رشيد شرقان.