عفوا سيدي الرئيس.. زجل بقلم ذ/ العابد عبد الرحيم
/ ملتمسات متمهم بريء
—————————–/
عفوا سيدي الرئيس.!
لا تكتم صوتي.. فأنا بريء…ربما ذنبي اني حلقت بخيالي
اكثر مما يجب ولم ألتزم بالصمت……..ربما سرقت رغيفا
وانا جائع.!
((زجل))
المشهد الاول..اللوحة رقم ١ .. الزمكان يحدده النص وكذا
خيال كل قارء.!
————–
1) قال الحكواتي الأول :
———–
الفقيه اتلف بكثرة لفتاوي
اسمح فالجامع اتبع لقهاوي
صلا…الظهر بركعتين
رد القبلة على جهتين
اسمح في سلهامو
وا فينكم تبعوني
تبعو لمقدم و النمام
تبعو الشيخ التمتام
قالوا للقايد اقضينا حاجة
لموذن وذن….. بلا اوقات
اضحك القايد
قال :
الوقت أزيان.!
جيبوا الكرسي جيبوا الديفان
الشيخات و الطعارج من زيان
* ازمان لا فرق بين احلال واحرام.!
أصبح القايد ناشط سكران
صاحبو ابليس مع شيطان
آش اخباركم.؟
آش افبالكم.؟
عارفها أو ساكت ضارب الطم.!
هذي وحدة……..من ستين
أيام الله اطويلة يا غزالي.!
2) قال الحكواتي الثاني :
———-
الجوع و الفقر اخلانا
لغلا حط لرحال اكوانا
يا قلبي يا أنا …..يا أنا.!
يا خويا من ابلاك ابلانا.!
حكاية الزلط بالعود اعمانا
أصبحت انعمش
طالب مولانا.!
وانزيدكم إلى اخيابت دابا تزيان.!
اللٌي قال اربحت كذاب حرامي
و اللٌي قال اخسرت اشلاهبي.!
* هما جوج اخوت واطريق فرقتهم.!
واحد سار ايمين مايل
واحد سار اشمال غافل
اللٌي اعطاتو ليام يفرح
واللٌي ارماتو ليام يقرح
غير شوف أو خمم العاطي مولانا
كلها و ايامو كلها و احكامو زربانة
خليها ازهر
خليها امكر
شي عمٌر اشكارة كافية
اخذاها كرفة أو صافية
شي طاح على صفية
وا كَعدوه…..وا كَعدوه
قال الرئيس أو من بعد.؟
——————————
جاوبوه والعين حملة اجمر.!
1) اللٌي اعطا الله قلتو
اشتقني ولا علقني.!
2) لحكام احكامكم اللٌي قلتو قالو
واش ايقول الميت قدام غسالو
——————
يتبع وأحكي حكايات عن طائر الرخ وجزر الواق واق.!
ذ/ العابد عبد الرحيم
: 29/93/2923
ملهمتي الفقيه بن صالح المغرب تكتب للجميع.