ياست الحسن… شعر عامي بقلم محمد حسن فرغلي
ياست الحسن
شعر عامي
******
ياست الحسن موصوفلي
ترافقيني
فرقيلي وقلبليني وخليني
رفيق ليكي
عشان عشقي انا ليكي
دا موصوفلي
تعالي نعيش لوحدينا
باحلامنا وأمانينا
ونسرق م الهوي نسمات
تفرحنا وتشجينا
واعيش ليكي واكون ليكي
لوحديكي
وازرعلك حواليكي
جناين ورد
عشان تمشي كدا فيها
ولاتحسي بشرد وبرد
وافردلك أنا ايدي
تكون ليكي كدا وساده
واكتبلك أنا بإيدي
قصايد عشق بزياده
واتغزل أنا ف حسنك
طوال عمري
واكون ليكي أنا خلك
بطول عمري
واعد الثانيه بالثانيه
وانا جنبك
واتحابل عليها تطول
فمش معقول
ليالي تطول وبتعدي
بعيد عنك
وانا جنبك ساعات
العمر دي بتجري
مابتهدي
ومهما يكون انا هافضل
عاشق ليكي
واخليكي
طوال العمر مبتسمه
واجيب ليكي
من النسمه ساعات الفرح
واهديكي