شيرين.. زجل شعبي بقلم الشاعر جمال الخطيب

زجل شعبي

شيرين

……

والله بَعِد بَكّير يا شيرين
يا صوتنَا العالي بْسَما فْلسطين
يا أَحلى طَلِّه مْنَوّري الشّاشه
مينِ اللّي زَيِّك في الرُّجولي مين
تِخسى رَصاصِةْ حاقِد و فاشي
تِمحي صُوَر بِقلوبْنَا مْنِ سْنين
تِخسى أَلِف عَصِبِه وْأَلِف شاشِه
تُقتُل جَمال عْيونِكِ الحِلوين
تِخسى العُروبي وْصوتها الغاشي
باعوا الْمبادي وِالقِيَم وِالدّين
صَفُّوا مَعِ المُحتَلّ كَمَّاشِه
وينَك تِجي وِتشوف عِزِّ الدِّين
بيتِ العُروبي لازمو طْراشي
بالدَّمّْ. تَيْصَحِّي صَلاحِ الدِّين
وَالله بَعِد بَكِّير تِتلاشي
مَبْتِرحَلي بْطَلقَه عَلى الماشي
بِقْلوبْنَا وْ بِعيونَّا شيرين
نِيَّالهَا بْدَمِّك أَرِض جينين.
…………….
لها ولكل شهدائنا الرحمه.
الشّاعر: جمال الخطيب