غمضوا عن الناس.. خاطرة بقلم اسماء عبدالله

غمضوا عن الناس عنيكم
بالتجاهل والتباهي
انسوا كل مميزاتهم
خلوا سيف الجرح ناهي
بكرا لما يموتوا تصحوا
والكلام راح يبقى واهي
لما يطلع للقبور
يبقى نعي ملهش دور
يعني لا بيحجب لدمعة
فرة من عقب الكسور
ولا فيه من أي فايدة
غير ندم ودموعه قايدة
فات خلاص وقت المعايدة
ضلمة حلت بعد نور

لما فات كل الأوان
ليه ماكانش دا من زمان ؟!
وفروا الدمعة البعيدة
ايه يفيد …كان ياما كان

ياخد الذكرى الجديدة
… وسط صدمتها الشديدة
لما يتلاشى المرور ؟!
العزا تبهت آلامه لما بتعدي الشهور

كملوا تغميض عنيكم
خلوا هذا الكون لاهيكم
كتروا الكوم اللي فيكم
م التناسي والغرور !!!