زجلية بعنوان_ كلّي ليك_ بقلم الشاعر – محمد نواوي

زجلية بعنوان
كلّي ليك
بعتني ف الدلالة
برغيف
وانا سوقي عامر
م يخرف.
م تلقی مثلي
وصيف.
داب تعيش الايام
ؤتعرف.
اللي ثقال عليك
عليَ خفيف.
و عليك انت
نعرق ونشف.
كون و لَوْ مرّة
لراسك نصيف
غير كلمة، أو بسمة
او حرف
معرفة الرجال
راها كنوز
فوق الراس تتحط
ؤ تهز.
بلا بخور نبغيك
بلا حروز
تعيش بكرامة
ؤ عز.
ف طريقك نزطم عل الشوك
ؤ ندوز
من وسط الجمع نعزلك
ؤ نفرز.
تحية لكل صديق يضحي من اجل صديقه.
نواوي محمد
المغرب